હું જંગ જીતી ના શક્યો,

કુદરતની આફતો સામે.

મારે નમવું પડે નહીંતર 

હું રફેદફે થઈ જાઉં,

કાંઈ કહેવાય નહીં.

આફતોની સામે,

અણુથી ય નાનો જીવ મારો.

કુદરતનીએક જ થપાટ વાગતાં 

હું હતો-નહોતો થઈ જાઉં,

કાંઈ કહેવાય નહીં.

વંટોળને જોયો છે?

ધરાશાયી થતાં 

મકાનોની ચીસો સાંભળી છે?

ધરતીકંપ સુનામીને ઓળખો છો?

પૃથ્વીને ડુબાવી દે,

એવું બળ ભર્યું છે એમના બાહુમાં,

મને ફૂંક મારી ઉડાવી દે,

કાંઈ કહેવાય નહીં.

મારાં બળબુદ્ધિ મર્યાદિત 

કુદરત મને ના મારી શકે 

જો હું પૃથ્વી બહાર 

આધાર વિના અધ્ધર જીવી શકું.

કાંઈ કહેવાય નહીં.